අත්තනගල්ල ප්රාදේශීය ලේකම් සම්පත් ගුණවර්ධන මහතාගේ සංකල්පයකට අනුව එතුමා විසින් කොට්ඨාස දින රැස්වීමක දී සමෘද්ධි නිලධාරීන් හට ලබා දුන් ඉලක්කයක් වූයේ නිවාස නොමැති පවුල් ඒකක සඳහා රජයේ ප්රතිපාදනවලින් තොරව ප්රජා දායකත්වය ලබා ගෙන ග්රාම සේවා වසමකට එක් නිවසක් බැගින් ඉදිකිරීමට උත්සාහ ගන්නා ලෙසයි.
වේයන්ගොඩ සමෘද්ධි කලාපය නියෝජනය කරන හිරිපිටිය නැගෙනහිර සමෘද්ධි සංවර්ධන නිලධාරී නයනා නිලන්ති මිය එම අභියෝගය භාර ගත් අතර වේයන්ගොඩ සමෘද්ධි බැංකු සංගමයේ ද සහයෝගය ඇතිව වේයන්ගොඩ බණ්ඩාරනායක පාරේ ඉඩමක තමන්ගේ ම කියා ස්ථිර නිවසක් නොතිබුණු සමෘද්ධිලාභී පවුලකට රු.700000ක පමණ ප්රජා දායකත්වයකින් නිමවූ එම නිවස අද දින සුබ මොහොතින් ප්රතිලාභීන් අතට පත් කරන ලදී.
අත්තනගල්ල ප්රාදේශීය ලේකම්තුමාගේ අදහසකට අනුව අත්තනගල්ල සමෘද්ධි නිලධාරීන් විසින් ක්රියාත්මක කරන 'හිසට සෙවණක්" වැඩසටහන යටතේ තවත් නිවාස කිහිපයක් මේ වන විට ඉදිවෙමින් පවතී.
