සිත සිර කර බැඳි දඬු වැට බිඳුණා වේ
සිත සිත යා කර සෙනෙහස හැමුවා වේ
====================================
අත්තනගල්ල ප්රාදේශීය ලේකම් කාර්යාලයේ සේවය කරන ඉස්ලාම් භක්තික මුස්ලිම් නිලධාරීන්ගේ හා නිලධාරීනියන්ගේ රාමලාන් උපවාස සමය වෙනුවෙන් අත්තනගල්ල ප්රාදේශීය ලේකම්තුමාගේ උපදෙස් හා මඟපෙන්වීම යටතේ ප්රාදේශීය ලේකම් කාර්යාලයීය සුබ සාධක සංගමයේ අනුග්රහයෙන්, ජාතික ඒකාබද්ධතා/සංස්කෘතික කටයුතු/බෞද්ධ කටයුතු යන අංශවල මෙහෙයවීමෙන් සහ සමස්ත කාර්යාලයීය නිලධාරීන්ගේ සංවිධානයෙන් අප්රේල් 27 දින අත්තනගල්ල ප්රාදේශීය ලේකම් කාර්යාලයේ දී පැවති උපවාස අතහැරීමේ ඉෆ්තාර් චාරිත්ර උළෙලේ විශේෂ අවස්ථා කිහිපයක් මෙහි දැක්වේ.
ගරුතර මහා සංඝරත්නය සමඟ මුස්ලිම් මවුලවිවරුන්, කතෝලික/ක්රිස්තියානි පූජකවරුන් සමඟ විශ්රාමික මැතිවරණ කොමසාරිස් ජනරාල්, වත්මන් මැතිවරණ කොමිසමේ සාමාජික එම්.එම්.මොහොමඩ් මහතා, කහටෝවිට තරුණ මුස්ලිම් සංගමයේ සභාපති ගවුසුල් ෆ්රිදවුස් මහතා ඇතුලු මුස්ලිම් සමාජ ක්රියාකාරිකයන් රැසක් ද මේ අවස්ථාවට සහභාගී විය.
මෙවැනි ඉෆ්තාර් උළෙලක් අත්තනගල්ල ප්රාදේශීය ලේකම් කාර්යාල පරිශ්රයේ සිදු කළ පළමු වතාව මෙය වන අතර ජාතික සමඟිය ගොඩනැංවීම තුළින් රටේ ඉදිරි ගමන ශක්තිමත් කිරීම අත්තනගල්ල ප්රාදේශීය ලේකම්තුමා ඇතුලු සමස්ත කාර්ය මණ්ඩලයේ අභිප්රාය වේ.
